أصحابي واخدين عني فكرة إني طيبة !!
ومصممين على كده !!!!
مش عايزين يفهموا إنهم مخدوعين فيا بطريقة رهيبة ..
وإن جوايا شر مش طيبة !
.. حتى يوم ما فكرت أجيب الصورة بتاعة
Can you describe me in one word
وعملت لهم تاج ع الفيس بوك ..
نصهم داخل يقول
طــيــبة !!
أنا حاسة إني مش طيبة ..
بجد .. مش طيبة !
مش لأن الطيبة وحشة ..
بس لأن همه ميعرفونيش زي ما أنا عارفاني !
-----------------
ليه دايما بنتعامل بمبدأ
الحسنة تخص والسيئة تعم
ليه مش الحسنة تخص والسيئة برضه تخص !!
هناك 9 تعليقات:
برضه طيبه :kab:
ليه مقتنعة ان جواك شر
على العموم حتى لو جواك بس مبيطلعش في تصرفاتك ولا في كلامك يبقى إن شاء الله لا حيضرك و لا حيضر اللي حوليك و إن شاء الله حينتهي
أعجبتني صراحتك
أما الجزء التاني
فالمفروض إن السيئة برضه تخص (( ألا تزر وازرة وزر أخرى ))
إزيك ياسامية
عارفة..أنا شايفك طيبة !
هقولك على حاجة , قناعتك بأن جواكي شر دا في حد ذاته شئ كويس , يكفي إن عندك الصدق مع النفس إنك تقتنعي بكدا وإنك مش مريم العذراء ,كلنا جوانا وحوش ضارية بتنتهز الفرصة إنه تطلع , انا زيك كدا ,هوا محدش قال عليا طيب ! , بس أنا عارف المسخ اللي جوايا ,مش المهم جوانا إيه ..أطهر الناس وأنقاهم جواهم أفكار قمة الشر
الفرق بين شخص وآخر إنك تقدر تسيطر على المارد اللي جواك
تدوينة جميلة يا سمسمة
-----
بالنسبة للجزء الثاني
في الشغل عندي السيئة بتخص والحسنة بتعم, يعني لو جالي مكافأة لازم أعزم القسم كله على جاتوه وبيبسي
عالم جعانة !
بالمناسبة
أنا غيرت لينك المدونة
http://mfkhalaf.blogspot.com/
دول ناس ميعرفوكيش يا سمسم
اسألينى انا
ال طيبه ال <_<
رانيا
boooba:
أهو إنتِ !:P
عموما .. أنا قلت لكم وعملت اللي عليا ..
بعد كده محدش يلومني ولا يعتب عليا :D
الأخ .. ابن الإخوان ابن الأزهر :
أهلا بحضرتك يا فندم ..
مقتنعة لأني شريرة ..
ممم .. هو يمكن ظهر مع اللي حواليا بشكل متخفي كرد فعل لحاجه حصلت .. بس بحس بعدها إني شريرة وليه عملت كده .. حتى لو كان ده نتيجه ورد فعل بشري طبيعي لموقف ما !!
وحتى لو مضرش اللي حواليا .. بس أكيد هيضرني .. إن مكانش جسديا .. نفسيا !
يارب ينتهي .. إن مكانش الشر نفسه .. شعوري بوجوده !
____________
بالنسبة للجزء الثاني ..
المفروض بقى !
بس اللي بيحصل العكس .. !
بس ما علاقة " ألا تزر وازرة وزر أخرى " بالموضوع :)
الحمد لله بخير ..
إزيك يا محمد :)
حتى أنت ؟؟
لو الموضوع فيه الصدق مع النفس بقى .. يبقى لازمني كتاب أكتب فيه كل اللي جوايا مش الشر بس .. بس لو ده هيساعد في تطهير النفس !
إنما ما هينوبني منه غير فضح ما ستره الله ..
في ناس اتعاملت معاهم كتييير .. طيبين فعلا .. دول اللي يستحقوا يقال عليهم طيبين بجد .. وطيبتهم دي عامله لهم أزمه :)
-------
بالنسبة للجزء الثاني ..
فين نصيبي من الحسنة دي :D
_______
تم إضافة اللينك الجديد :)
رانيا :
أيون كده .. الله يكرمك .. قوليلهم أحسن مش مصدقين :D
هي رانيا أينعم طيبة .. بس فيها عيب هي نفسها عارفاه في نفسها وعرفتني عليه ..
هو ميعتبرش عيب أوي يعني ..
ومع ذلك هافضل أحبها وغصب عنها هافضل اختها الكبيره ^^
إرسال تعليق